قصتنا

كل قصة كبيرة… بتبلّش بخطوة صغيرة. وقصتنا… بلّشت من كيوسك صغير بملعب الجومة. ما كان عنا وقتها مطعم كبير، ولا مكان فخم… كان عنا شغف، وحب للأكل، وحلم عم يكبر شوي شوي. بالحديقة، كنا نقدّم أكل خفيف وظريف… بطريقتنا الخاصة، بطريقة تيتا نورة. ومع كل طبق كان يطلع من إيدينا، كانت توصلنا محبة الناس. زبون يرجع مرة تانية… نظرة رضا… كلمة حلوة… وضَحكة من القلب… وكان كل هالشي يقول لنا: كمّلوا… أنتو على الطريق الصح. يوم بعد يوم، زاد الإقبال… وكبر الحماس… وكبر معه الحلم. لحد ما صار الحلم أكبر من كيوسك… وصار عنا حلم بمكان يجمع كل هالمحبة. وهون… أخدنا الخطوة. قررنا نحول الحلم لواقع، وفتحنا مطعمنا… مش بس لنقدملكم أكل، بل لنقدملكم طعم القصة اللي بلّشت معكم من أول يوم. من كيوسك صغير بملعب الجومة… إلى مطعم فتح أبوابه اليوم. المكان تغيّر… بس الروح ما تغيّرت. نفس الحب… نفس الطعم… نفس طريقة تيتا نورة. وهيدا المطعم… ما كان ليكون موجود، لولا كل شخص وقف حدنا، جرّب أكلنا، رجع لعنا، وشجّعنا بكلمة. من القلب… شكرًا. واليوم، الحلم ما عاد حلم… اليوم… صار مطعم. وأهلا وسهلا فيكم… بمطعمنا، وبقصتنا، وبكل لقمة رح تجمعنا من جديد. تيتا نورة…